نووسەر: هانا زانست

بەسەربردنی کات لەگەڵ ئەو پیاوانەی کە ڕوانگەی دژە ژنیان هەیە، بە تایبەت لە «مەنۆسفێر/manosphere»دا، زیان بە ماف و بەرژەوەندییەکانی ژنان دەگەیەنێت. مەنۆسفێر کۆمەڵێک کۆمەڵگەی ئۆنلاینە کە بەهێزکردنی ژنان ڕەت دەکەنەوە و بیرۆکەی ژنکوژی و دژە فێمینیزم بڵاو دەکەنەوە. ئەم گرووپانە کێشە کۆمەڵایەتییەکان دەخەنە ئەستۆی ژنان و فێمینیستەکان و خەڵک لە ژنان تووڕە دەکەن و هەندێک جاریش بە ڕق و توندوتیژی هان دەدەن. مرۆڤ بە پەیوەندیکردن لەگەڵ ئەم پیاوانە یان قبووڵ کردنی بۆچوونەکانیان، بەبێ مەبەست پشتگیری لەو کۆمەڵە زیانبەخشانە دەکەن کە دژی ژنان کار دەکەن.

توێژینەوەکان دەری دەخەن کە هەڵسوکەوت لەگەڵ پیاوە سێکسیست یان دژە ژنەکان، «هەڕەشەی ناسنامەی کۆمەڵایەتی» بۆ ژنان دروست دەکات واتە خانمان هەست بە نائارامی یان پێشوازی نەکردن دەکەن، ئەمەش دەبێتە هۆی دابەزینی متمانە و توانای کارکردنیان، بەتایبەتی لەو شوێنانەی کە پیاوان کۆنترۆڵی دەکەن. ئەم هەڵسوکەوتانە پەرە بە کڵێشەی ناحەز بۆ ژنان دەدەن و بەشدارییەکانی ژنان بێ بەها دەکەن و درێژە بە نایەکسانی دەدەن. جگە لەوەش، ئەو پیاوانەی کە هەڵوێستی ژنکوژییان هەیە، زیاتر بەشداری لە ڕەفتارە زیانبەخشەکان وەک شەڕانگێزی و ئازارداندا دەکەن، چ بەرامبەر بە خۆیان و چ بەرامبەر بە ژنان.

دەرەنجام

ئیدیعای پشتگیریکردن لە ژنان و لە هەمان کاتدا ڕەتکردنەوەی فێمینیزم و هاوکاریکردن لەگەڵ پیاوانی دژە ژن لە بنەڕەتدا دژ بەیەکن. دژە فێمینیزم، بە پێناسە و لە پراکتیکدا، دژە ژنە. هەڵسوکەوت لەگەڵ ئەو کەسانەی دژایەتیی مافەکانی ژنان دەکەن، ژنان ناپارێزێت و بەرزیان ناکاتەوە؛ هەر ئەو نایەکسانییانە بەردەوام دەکات کە فێمینیزم هەوڵی بنبڕکردنی دەدات. پاڵپشتیکردنی ژنان واتە پشتیوانی کردن لە بزووتنەوەکە بۆ یەکسانی و ئازادی و سەلامەتییان. هەر شتێکی کەمتر، لە ڕاستیدا دژبەریی ژنانە.